امنیتي چارواکي وايي د جنوبي وزيرستان تحصيل لدها په کړمه سيمه کې د امنيتي ځواکونو په چيک پوسټ د شپې بريد شوی چې په نتيجه کې يې څلور پاکستاني پوځیان وژل شوي او څلور نور ټپيان دي
د خېبرپښتونخوا په لکي مروت ضلع کې، ځايي خلک وايي، د خرابې امنیتي وضعې له امله کاروباري فعالیتونه په ټپه درېدلي، او د سختو مالي مشکلاتو سره مخ دي.
امنیتي ځواکونو د بنو په غوړہ بکاخېل سیمه کې د وسلوالو پرضد عملیات کړي، چې پکې د پاکستان د پوځ یو لوړپوړی افسر او دوه نور پوځیان او شپږ وسلوال وژل شوي دي. د عملیاتو پرمهال د پینځو امنیتي عسکرو تر څنګ د سیمې د یوې ښځې په ګډون دوه ځایي اوسېدونکي هم ټپیان شوي دي. تفصیل د عدنان بېټني په رپوټ کې:
خېبرپښتونخوا کې د اکتوبر په مياشت کې خواوشا غټ واړه رپوټ شوي ۴۶ بریدونه شوي، ۵۳ امنیتي عسکر، اهلکار او ټول ۸۰ کسان وژل شوي دي، په دې شمېره کې دوه نرښځیان هم شامل دي.
په بنو کې هم د ناامنۍ پر ضد ولسي احتجاجي پرلت دوام لري، او په شمالي وزیرستان کې هم پراخه احتجاج شوی دی، چې په زرګونو خلکو پکې برخه اخیستې او د سیمې د خراب امنیتي وضعیت پر ضد یې خپله اندېښنه څرګنده کړې ده.
خېبرپښتونخوا صوبه کې پرله پسې په دويمه ورځ امنيتي ځواکونه په نخښه شوي، په قبایلي ضلع شمالي وزیرستان کې د امنیتي ځواکونو پر پوسته ځانمرګی برید شوی، د څلورو پولیس او دوو پوځيانو په ګډون پکې اته کسان وژل شوي او ګڼ شمېر نور ژوبل دي.
خېبر پښتونخوا کې په تيرو 24 ساعتونو کې په وسله والو بريدونو او نورو پېښو کې د 17 امنيتي اهلکارو په ګډون لږ تر لږه 24 تنه وژل شوي دي. د ناامنۍ نزدې لس پېښې شوي او نهه پکې په جنوبي ضلعو کې ترسره شوي دي.
د خېبر پښتونخوا په جنوبي ضلع ډېره اسماعیل خان کې د فرنټیر کانسټېبلري، ایف سي ځواک په یوه پوسته نامالومو وسله والو برید کړی، لږ تر لږه لس ایف سي اهلکار یې وژلي او دوه نور سخت ژوبل کړي دي. امنیتي سرچینې وایي دا برید پخوانۍ قبايلي سیمې درازنده کې په زام نومې ایف سي پوسته شوی دی.
د پولیس چارواکو په وینا، د حملې وروسته پولیسو په فوري ډول په سیمه کې د پلټنې عملیات پيل کړل او په جوابي ډزو کې یو بریدکونکي د زخمي کېدو مالومات ترلاسه کړي دي
د خېبر پښتونخوا په جنوبي ضلعو لکي مروت او شمالي وزیرستان کې په دوه بیلا بیلو هدفي بریدنو کې یو پولیس اهلکار او یو ځایي تن وژل شوي دي. بل لور په بنو کې د ناامنۍ پرضد او امن دپاره احتجاجي پرلت نن په دویمه ورځ دوام لري چې پکې په ګڼ شمېر کې خلک ګډون کوي.
د خېبرپښتونخوا په جنوبي ضلعه بنو کې ولسي پاڅون شوی، ځايي خلکو احتجاج کړی او د پرلت کولو یې ويلي دي، دوی وايي د جولای په مياشت کې چې ورسره د صوبې وزيراعلا د کومو خبرو ژمنې کړې وې په هغو کې په يوه هم عمل نه دی شوی، بلکې د سيمې د خلکو ځورول نور سېوا شوي دي.
د خېبر پښتونخوا په جنوبي ضلع بنو کې د ترهګرۍ ضد یو پولیس افسر [سب انسپکټر] د ناڅرګنده وسله والو په ډزو وژل شوی او دوه تنه نور ټپیان شوي دي. د بنو ولسي پاڅون بيا د پرلت اعلان کړی دی.
د خېبر پښتونخوا په قبایلي ضلعه کورمه کې فرقه يیزې شخړې داوم لري او په تازه پېښه کې د شیعه مسلک سره تړاو لرونکي دوه کسان وژل شوي او درې نور ژوبل شوي دي، د ځایي خلکو په ځوابي ډزو کې دوه برید کونکي هم وژل شوي دي.
د خېبر پښتونخوا په جنوبي ضلع ټانک کې د خراب امنیت له امله د ګومل پوهنتون ټانک کېمپس تړل شوی دی. د پوهنتون انتظامیې ويلي، د پوهنتون ټولې تعلیمي چارې، په شمول د زدکړو عمل تر 18م اکتوبر پورې ځنډول شوي دي.
د ټانک او جنوبي وزیرستان د خلکو او مدني ټولنو لخوا هم په دې پرېکړه اندېښنې څرګندې شوې دي. دوی ویلي دي چې دا ډول اقدامات به دا تاثر پیاوړی کړي چې ادارې په خپلو مسؤلیتونو کې پاتې راغلې دي
نور کتل
