د کورنیو چارو وزارت چارواکو د دې يو شمېر علتونه په ګوته کوي چې په کې د توان ستونزې او ورسره په خلکو کې د ساېبر قوانینو او د تحقيقاتي اېجنسيانو په اړه مالوماتو کمې شامل دې.
د پاکستان د پوځ مشر جنرل عاصم منير پېښور کې د سياسي ګوندونو مشرانو سره ليدنه کې ويلي، د پاکستان او افغانستان ترمنځ یوازینۍ ستونزه د تحريک طالبان پاکستان هلته موجودګي او د پولې د پولې غاړې افغانستان څخه پاکستان کې ترهګري کېدل بللي دي.
افغانستان کې د واکمنو طالبانو اسلام اباد کې سفارتخانې ويلي، د ملګرو ملتونو د کډوالو ادارې د مشرې ته یې پايتخت اسلام اباد او جوخت پروت ښار پېنډۍ کې د افغانانو په نيولو او ځورولو ژوره اندېښنه څرګنده کړې ده.
د پاکستان وزیراعظم شهباز شريف په مرکزي او صوبايي حکومتونو ټينګار کړی چې په ملک کې کوم 22.8 ميلينه ماشومان د سکولونو نه بهر دي، هغوی دې داخل کړل شي چې په وروستيو کې پيل کړل شوې تعلیمي اېمرجنسۍ هدف ترلاسه کړل شي.
پاکستان د 2024م کال د پولیو بله پېښه د سیند صوبې جېکب اباد سیمه کې مالومه شوہ، د تېر کال د پولیو د پېښو ټوله شمېرہ 71 ته ورسېدہ.
پښتونخوا اسمبلۍ وفاق او نورو صوبو ته په يو قرارداد کې ويلي، د پخوانۍ فاټا پښتونخوا صوبې سره ضم کېدو په وخت چې کومې وعدې شوې وې هغه نه دي پوره شوي، دغه قرارداد په متفقه توګه منظور کړل شوی، د وفاق او نورو صوبو نه غوښتنه شوې چې د وعدې مطابق دې د ضم شوو ضلعو د پرمختګ د پاره فنډونه جاري کړی شي.
د پاکستان سپريم کورټ کې د پوځي عدالتونو دننه د ملکي وګړو په ضد د مقدمو چلول کېدو په اړه اورېدنه کې د دفاع د وزارت وکيل عدالت ته ويلي، چې د نهمې مې د پېښو سازش جوړونکي يا د ماسټر ماېنډ خلاف مقدمه به هم په پوځي عدالتونو کې چلول کېږي؟.
د کوټې سره نزدې د کولې په کان کې لاندې د ګېر شوي خواريکښ مړی نن په پينځمه ورځ را ايستل شوی دی، د خواريکښ تعلق د شانګلې سره دی، امدادي کار کوونکي وايي، مړی به یې هم نن خپلې پلارنې علاقې ته ولېږل شي.
د پاکستان پوځ ويلي، د خېبرپښتونخوا صوبې په ټانک او خېبر ضلعه کې یې عمليات کړي، د تحریک طالبان پاکستان اته وسله وال یې وژلي دي. پوځ تحریک طالبان پاکستان د خوارجو په نوم يادوي.
د پاکستان د پوځ مشر جنرل عاصم منير په پېښور کې د سياسي ګوندونو مشرانو سره ليدلي او ويلي یې دي، "د پولو دننه او بهر مو د ترهګرو ډلو عملياتي وړتياوې په کاميابۍ سره راکمې کړي دي. ځواکونو مو د ترهګرو تعقيب کړی، مهم کمانډران یې وژلي دي".
نور کتل
No media source currently available
