د بر جنوبي وزیرستان په مکین تحصیل کې امنیتي ځواکونو د دشکه او اباخیل سیمې د وسله والو پرضد د عملیاتو لپاره ځایي خلکو ته د خالي کولو امر کړی، خو ځايي خلک وايي دوی به د عملياتو دپاره کورونه د علاقې ونه وځي.
په کورمه کې د اکتوبر د میاشتې راهسې د سنيانو او شيعه و ترمنځ شخړې د هواري دپاره د څو ورځو راهسې په کوهاټ کې د حکومت په مرسته د مشرانو جرګه روانه ده، په جرګه کې شامل يو درېمګړي مشر وي او اې ډيوه ته وويل، امکان دی نن پرېکړه وشي.
په افغانستان کې د واکمنو طالبانو د دفاع وزارت دعوه کړې، "د ډېورنډ د فرضي کرښې بلې خوا ته په څو نکتو کې د هغو شریرو عناصرو او د دوی د حمایت کوونکو پټن ځايونه او مرکزونه انتقاما تر بریدونو ".لاندې ونيول شول، له کومو څخه چې په افغانستان کې بریدونو تنظمېدل
د افغانستان سره په پوله پرتې د خېبرپښتونخوا باجوړ ضلعه کې د ملېشې اېف سي ځواک او وسله والو ترمنځ نښته کې څلور عسکر وژل شوي او پينځه نور ژوبل شوي دي.
د پاکستان وزیراعظم شهباز شريف افغانستان کې په واکمنو طالبانو غږ کړی، د خپلې خاورې څخه دې د تحريک طالبان پاکستان (ټي ټي پي) کارروايانې ودروي.
د افغانستان سره په پوله پرتې د خېبرپښتونخوا کورمې ضلعې کې د تېرو 80 راهسې د ټل-پاړاچنار لاره په سيمه کې د پرله پسې نښتو له امله تړلې پرته ده. ځايي خلک وايي، د برنۍ کورمې پاړاچنار او نورو سيمو خلک د خوراکي توکيو او نورو څيزونو د کمي سره مخ شوي دي.
د پاکستان پوځ وايي، سږ کال په 2024م کې د ترهګرۍ ضد عملياتو کې د پوځ 383 افسران او عسکر وژل شوي دي.
پاکستان او افغانستان کې څيړونکي وايي، دا امکان شته چې افغانستان کې واکمن طالبان د پاکستان د هوايي بريدونو ځواب اووايي، که څه هم افغانستان د وړاندې څخه په پوځي توګه کمزوری کړل شوی، او قوي ملي پوځ نه لري.
شمالي وزیرستان کې لس کاله وړاندې ترسره شوو ضرب عضب پوځي عملیاتو په پایله کې بې کوره شوو متاثره خلکو د دوو ورځو د احتجاج وروسته، حکومت د دوی د ستونزو د کمولو لپاره د بنو بکاخېل کېمپ کې یو ډسک يا معلوماتي مرکز جوړ کړی دی. په دې ډیسک کې د هغو کورنیو تصدیق روان دی، چې میاشتني مرستې یې بندې شوي دي.
پاکستان کې د پوليو دوه نورې پېښې رپورټ شوي، په ملک کې سږ کال تراوسه پورې د پوليو د رپورټ شوو پېښو شمېره 67 ته ورسېده. تازه پېښې خېبرپښتونخوا او سيند صوبه کې معلومې شوي دي.
نور کتل
No media source currently available
